Бугун Қозоғистон Премьер-лигасида навбатдаги тур ўйинлари бўлиб ўтди. "Иртиш" ва "Астана" жамоалари ўртасидаги ўйин голларга бой бўлди. Пойтахтликлар 4:3 ҳисобида ғалаба қозонишди.
Ўйиннинг 16 ва 18-дақиқаларида жамоалар биттадан гол уришди. 28-дақиқада Улуғбек Бақоев "Иртиш"ни ҳисобда олдинга олиб чиққан бўлса, биринчи бўлимнинг сўнгги дақиқасида у пенальтидан ҳисобни 3:1га етказди. Айнан ўша вазиятдан меҳмонлар футболчиси майдондан четлатилди. Қўшиб берилган дақиқаларда эса "Астана" футболчиси Курдов гол уришга эришди.
Иккинчи бўлим бошида яна ўша Курдов ҳисобни тенглаштирди. 69-дақиқада эса Улуғбек Бақоев майдондан четлатилди. У иккинчи огоҳлантириш туфайли (биринчисини 8 дақиқа аввал олганди).
Ўйин тугашига 15 дақиқа қолганида яна ўша Курдов ўзининг учинчи, жамоасининг тўртинчи голини уриб, "Астана"га ғалаба келтирди.
