"Барселона" бош мураббийи Херардо Мартино Испания чемпионатининг 34-турида "Атлетик" устидан қозонилган ғалабадан сўнг (2:1) фикрлари билан ўртоқлашди.

"Қайсидир вақтда бугун ғалаба қозона олмаймиз, деган ўйга бордим. Бизда имкониятлар жуда кўп бўлаётганига қарамай,  гол ура олмаётган эдик. Аммо биз эркакча ирода кўрсатдик.

Сиз кўп вазиятлар яратсангиз, ғалабангиз тасодиф бўлмайди. Бугунгидай ўйнашда давом этсак, ютқазишдан кўра, ғалаба қозонишимиз осонроқ бўлади.

Фабрегасга ҳуштак чалишди? Айтишим мумкинки, у - довюрак ўйинчи ва ҳеч қачон беркинмайди. У хато қилишдан қўрқмайди ва ҳар доим ўйнашни хоҳлайди.

Санчес билан жанжал? У кчаги машғулотда бизнинг жанжаллашиб қолганимиз ҳақида ҳазиллашган эди. Билмадим, у нимани назарда тутди?

Мессининг ғалаба келтирган голидан хурсанд бўлдим. Месси матбуотдаги танқидларга жавоб бермайди, у майдонда гапиради", - дейди Мартино.