Россия терма жамоаси бош мураббийи Фабио Капелло рус футболчиларининг ўзига хос сифатлари ҳақида россиялик журналист саволларига жавоб берди.

- Сиз мамлакатимизда ишлаётганингиздан буён рус менталитетида кўзингизга ташланган биринчи нарса нима бўлди?

- Бу менталитет - жудаям ўзига хос. Бу ерга келганимда шуни англадимки, рус футболчилари майдонда ҳам, майдон ташқарисида ҳам ўзи ва ўз муаммолари тўғрисида кўпроқ қайғурар эканлар. Ўйинчиларнинг якка тартибдаги ўйларини  жамоавий яхлитликка ўтказиш жуда муҳим эди. Ҳозир эса терма жамоада жамоавий руҳ пайдо бўлди. Маълум бир ўйинчиниг иқтидори бор бўй-бастини кўрсатиши керак, аммо бу иқтидор жамоага хизмат қилсин. "Мен - энг яхшиман, менга тўп беринг" қабилида эмас.

- Айтмоқчисиз-ки, рус футболчилар итальян, испан ва инглизларга қараганда кўпроқ ўзлари ҳақида ўйлайдилар?

- Ҳа. Бу мени бошида ҳайрон қолдирган нарса.

- Уларни қандай тарбиялаганингизни айта оласизми?

- Мен, шунчаки бутун жамоа учун ҳаракат қилдим.