"Бавария" бош мураббийи Хосеп Гвардиола ЕЧЛ яримфиналида "Реал"га қарши биринчи учрашувдан олдин фикрлари билан ўртоқлашди.

"Мен учун чемпионлар лигаси яримфиналида ўйнаш ҳар доим қувончли. Мадридга "Бавария"дай клуб билан келиш янада ёқимли.  Менинг "Сантьяго Бернабэу"даги статистикам бошқа жамоа, бошқа вақт ва бошқа вазият билан боғлиқ. Унинг "Бавария"га алоқаси йўқ.

Агар ютишни истасак, жуда яхши футбол кўрсатишимиз керак.  "Реал" - ким уни бошқармасиy, ким унда ўйнамасин бошқача жамоа. Бу ҳар доим яримфиналга етиб келадиган кучли жамоа. Мадридликларда ажойиб мураббийлар штаби бор.

Умид қиламанки, Роналду майдонга тушади. Ахир биз энг яхши ўйинчиларни кўришни севадиган мухлислар учун ўйнаймиз. У шулар қаторига киради. Агар у бўлмаса "Реал" бошқача ўйнайди. Испания кубоги финалидагидай 4-3-3 ёки 4-4-2 схемасида ўйнаши мумкин.

Криштиану гол уради, Иско тўпни ва ўйинни назорат қилади, Бензема ўйинни бир хилда кечишини таъминлайди. Рамос, Хаби Алонсо ва Модрич узоқдан аниқ пас берадилар, агар Бэйл, Роналду, Ди Мария ва Бенземага югуриш имконияти берилса - бизни янчиб ташлайдилар. Биз ҳар доимгидай ҳужум қиламиз ва ҳимоя қиламиз.

Чемпионлар лигасини ютиш жуда қийин иш. Жуда ҳам жиддий рақиблар. Мен ўз жамоамдан фахрланман", - дейди Гвардиола.