"Челси" бош мураббийи Жозе Моуриньо ЕЧЛ яримфиналида "Атлетико" билан ўйиндан сўнг АПЛ тақвими ва "Ливерпуль"га қарши деярли иккинчи таркиб ўйнаши ҳақида гапирди.

"Ливерпуль"га қарши ўйинга келсак, ҳаммасини мен ҳал қилмайман. Раҳбарият билан маслаҳатлашмоқчиман. Мен оддий мураббийман, ундан ортиқ эмас.

Аммо ўйиннинг якшанба куни бўлиши бизни қониқтирмайди. Биз ҳалқаро майдонларда Англия шарафини ҳимоя қиляпмиз ва биз еврокубокларда қолган ягона Англия клубимиз. Испанияда бундай клублар тўртта, уларга муваффаққият қозониш учун шароит яратилмоқда.

Нима қилишим керак, билмадим. Аммо менинг фикрим - бу клубнинг фикри эмас. Мен раҳбарият билан гаплашишим керак. Аммо "Ливерпуль"га қарши ўйинда чоршанба куни "Атлетико"га қарши майдонга тушмайдиганлар ўйнаши керак", - дейди Моуриньо.

Эслатиб ўтамиз, "Атлетико"га қарши ўйинда Петр Чех ва Жон Террилар жароҳат олган бўлсалар, Фрэнк Лэмпард ва Жон Оби Микель икковлон дисквалификация сабабли жавоб учрашувида майдонга тушмайдилар.