"МЮ"нинг собиқ бош мураббийи Дэвид Мойес жамоадан истеъфога чиқарилганидан сўнг баёнот берди.
"Мен ҳар доим жаҳоннинг энг яхши клубларидан бири - "Манчестер Юнайтед"га бош мураббий этиб тайинлаганларидан фахрланганман ва фахрланман.
Узоқ давом этган барқарор ва омадли даврдан сўнг бу вазифага ўтириш рад қилиб бўлмас чақириқ эди. Аммо мен буни хурсандчилик билан қабул қилдим ва ўз қароримдан заррача афсусдамасман.
"МЮ" бош мураббийига бўлган талаб жуда катта, аммо мен оғир меҳнатдан бўйин товламадим ва бу мураббийлар штабига ҳам тегишли. Мен уларга жонбозликлари ва вафодорликлари учун миннатдорчилик билдираман.
Албатта, мен ўзимни қўллаган барча мухлисларга ҳам минатдорчилик билдираман. Уларга келгусида энг яхши тилакларимни билдираман.
Мен жамоани Чемпионлар лигаси чорак финалига олиб чиққанимдан фахрланаман.
Шунингдек, сэр Алекс Фергюсондан ҳам "Манчестер Юнайтед"ни бошқаришда менга бўлган ишончи учун миннатдорман", - деййилади Мойеснинг баёнотида.
