"Ливерпуль" клуби бош мураббийи Брендан Роджерс Англия чемпионати доирасида "Челси"га қарши учрашувдан (0:2) сўнг фикрлари билан ўртоқлашди.
"Тезкор гол киритмасангиз, рақибни ҳужум қилишга мажбурлай олмайсиз. "Челси"нинг бу ерга ғалаба қозониш учун келмагани ойдинлашиб қолди. Менинг йигитларим қўлларидан келганини қилишди, аммо омад биздан юз ўгирди.
Барча ўйинчиларни бир чизиққа тўплаш учун тактик жиҳатдан даҳо бўлиш шартмас. Ҳамма ҳам бутун жамоа бўлиб жарима майдончасига туриб олишни уддалайди.
Биз ҳамон трансферлар учун тоғ-тоғ пулларни сарфлаган клубдан икки очко олдинда турибмиз. Биз қолган ўйинларни ютиб олсак, уларни жадвалда ортда қолдирамиз ва "Мансити" билан нима бўлишини кузатамиз", - дейди Роджерс.
