"Челси" бош мураббийи Жозе Моуриньо АПЛнинг 26-турида "Ливерпуль"га қарши кечган  марказий ўйиндан сўнг (2:0) фикрлари билан ўртоқлашди.

"Кучли жамоа ғалаба қозонди. Бунга кўпроқ лойиқ бўлган жамоа ўйинни ютди. Ҳаммаси оддий.

Бизнинг жамоамиз барча мақтовлардан ошиқроқ ўйин кўрсатди. Ҳар бир ўйинчи майдонда зўр ўйин кўрсатди. Биз позицион ҳимояда бирон марта хатога йўл қўймадик, бу якка тартибда қўриқлашдан кўра қийинроқ. Биз барча ҳудудларни ва рақибнинг ҳар бир ўйинчисини ёпиб қўйдик. Ишонч билан айтаман, бу жамоамиз томонидан фантастик ўйин бўлди.

Сиз буни ҳимоявий ўйин деб атайсиз? Мен ҳайронман, матбуот ҳимоявий ўйинда нима ёмонлик кўряпти? Агар жамоа яхши ҳимояланса - бу ҳимоявий ўйин. Агар жамоа ёмон ўйнаб 2-3та гол ўтказиб юборса ҳамма ҳимояни унутади.

Каласнинг дебюти? Бу ажойиб бўлди. Ўйиндан олдин унга ҳатто Лэмпард ва Коул каби буюк ўйинчилар ҳам кучсиз жамоалар билан дебют қилган дея ҳазиллашдик. У бу кунни унутмайди.

Жеррарднинг хатоси?  Бировнинг хатосидан хурсанд бўлишга ҳеч кимнинг ҳаққи йўқ. Бу голда мен кўпроқ Демба Банинг маҳоратини кўряпман.

Терри сешанба куни майдонга тушиши мумкин. Воқеалар ривожини кузатамиз. "Атлетико" билан ўйиндан сўнг бунга ишонмаган эдик, энди унда шундай имконият бор", - дейди Моуриньо.