Бугун Европа чемпионлар лигаси ярим финалидан ўрин олган «Челси» ҳамда «Атлетико» жамоалари ўртасидаги ўйин бўлиб ўтишидан хабарингиз бор. Жамоалар биринчи ўйинда гол ура олишмади. Кўрамиз, Лондонда қандай натижа қайд этиларкан.
Жамоалар биринчи учрашувда икки хил ўйин кўрсатришди. «Атлетико» ҳужумга зўр берган бўлса, «Челси» экстроординар ҳимоявий ўйинни намойиш этди. Етмаганига лондонликларнинг етакчилари Петер Чех ҳамда Жон Террилар жароҳат олиб майдонни тарк этишди. Моуриньо «Ливерпуль» билан ўйинда уларнинг ўрнини Калас ва Шварцерлар билан ёпди. Бунинг устига мураббий «Ливерпуль» билан ўйинда етакчилардан фойдаланмасликка ҳаракат қилди.
«Атлетико» ҳам дам олиш кунида қийин баҳсни ўтказди. Улар «Валенсия» меҳмони бўлиб жуда муҳим ғалабани тантана қилишди ва Ла лигада чемпионлик учун дадил қадам ташлашди.
«Челси» таркибида жароҳат олган футболчилар тузалишди. Азар, Терри ва Чехлар сафга қайтишган, лекин кимнинг майдонга тушишини Моуриньо ҳал қилади. Оби Микел ҳамда Лэмпардлар дисквалификация сабаб майдонга туша олишмайди. Испанларда эса йўқотишлар жиддий. Арда Турон жароҳат олган, Габи эса ўтган ўйинда огоҳлантирилган эди. Унинг карточкалари йиғилиб қолган. Бугун Виллиан, Давид Луис, Эмилио Инсуа, Коке ҳамда Хуанфранлар эҳтиёт бўлиб ўйнашлари керак. Улар сариқ карточка олишса, финалда ўйнай олишмайди.
Рақамлар нима дейди
* Чемпионлар лигаси ярим финалининг биринчи ўйинида 0:0 ҳисоби қайд этилса, 33 фоиз ҳолатда мезбонлар финалга чиқишган, 67 фоиз ҳолатда эса мезбонлар. Бу борада статистика «Атлетико» томонда.
* «Челси» испан жамоаларига ўз майдонида 15 ўйиндан биттасини бой берган.
* «Атлетико» Англияда тўққизта ўйинда қатнашган ва бир маря ғалаба қозонган.
* Жозе Моуриньо чемпионлар лигасининг финалига учта жамоа билан йўл олган биринчи мураббий бўлиши мумкин. Бунгача «Порту» ва «Интер» билан.
* Жозе Моуриньо беш марта ярим финалдан қайтган.
* Жозе Моуриньо «Атлетико»га қарши 10та ўйиндан саккизтасида ғалаба қозонган.
* «Атлетико» чемпионлар лигасида 11 ўйиндан буён енгилмаяпти. Бу мутлоқ рекорд.
* «Атлетико» таркибида финалда ўйнаган ягона футболчи Давид Вилья.
* Ўйинни Никола Риццоли бошқариб боради.
Букмекерлар нима дейди.
«Челси»нинг ғалабасига 2,30, дурангга 3,40, «Атлетико»нинг ғалабасига 3,50 коэффициент.
Тахминий таркиблар.
