"Реал"нинг Уэльслик яримҳимоячиси Гарет Бэйл Евро-2020 мусобақасини ўз ватанида ўтказилишини қўллаб-қувватлайди.
Унинг фикрича, Кардиффдаги "Миллениум" стадиони муҳим ўйинлар учун жуда мос тушади. 1999 йил қурилган стадион 74 550 томошабинга мўлжалланган.
"Биз УЕФАга фантастик стадион таклиф қиламиз, шунингдек, уэльсликларнинг дунёга машҳур меҳмондўстликларини ҳам.
Мен ўз номзодимизни қўллаб-қувватлайман, чунки бу мусобақадан фойда чиқара оламиз.
Бу чемпионат Уэльсда футболнинг ривожланишига катта туртки берган бўлар эди", - дейди Бэйл.