Севимли жамоасини Самарқанддаги ўйинларда бўлгани каби, сафар учрашувларда ҳам ёлғизлатиб қўймайдиган «Динамо» мухлислари, одатдагидек навбатдаги сафар учрашувига отланишмоқда.

Чемпионатнинг бўлиб ўтган учта сафар учрашувида ҳам «Динамо»ни қўллаб-қувватлашдан тўхтамаган самарқандлик мухлислар жамоамизнинг ҳақиқий «12-ўйинчи»си бўла олишди ва бунга жавобан севимли жамоамиз сафардаги 3 та ўйиндан 2 тасида ғалаба билан қайта олди.

Хабарингиз бор, 7-тур доирасида «Динамо» 3 май куни Навоийда «Қизилқум» меҳмони бўлади. Ушбу ўйинга боришни режалаштирган жамоа мухлислари шанба куни соат 14:00да «Динамо» стадиони олдида тўпланиб, 14:30 да белгиланган автобус билан Навоий шаҳрига жўнаб кетишлари кўзланмоқда. Сизда ҳам бундай имконият бор. Ўйинда «Динамо»ни қўллаб-қувватлашни истаган мухлислар бизга ҳамроҳ бўлишлари мумкин. Ўринлар чекланган.

Батафсил маълумотлар учун +99891 532 36 57, +99890 657 56 40 телефон рақамларига мурожаат этишингиз мумкин.

Эслатиб ўтамиз, Навойидаги янги стадионда бўлиб ўтадиган «Қизилқум» - «Динамо» учрашуви соат 18:30 да бошланади.