“Бунёдкор” – “Навбаҳор” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

- Шундай гап бор: Сен менга дўстингни кўрсат, мен сенинг кимлигингни айтиб бераман. Бахтиёр Ашурматовга устозлик қилганман ва уни қандай жангчи эканлигини жуда яхши биламан. У футболчилигида ҳам охиригача курашарди. Мана уни мураббийликдаги меҳнатини “Навбаҳор” мисолида кўриб турибмиз. Ўйлашимча, наманганликлар кўплаб жамоаларга бошоғриқ бўлишади. Марказий ҳимоячиларимиз тезкор эмас. Шу боисдан ҳам имконият даражасида ўйнаяпмиз. “Ал-Жаиш” билан ўйинда ҳам бу нуқтага эътирозлар бўлди. Буни мен бошқача тушунтирган бўлардим. Бу ярим ҳимоячиларга боғлиқ. Ўтган йили ўрта чизиғимизда тажрибали футболчилар бор эди. Бу эса ҳимоячилар ўйинига таъсир қиларди. Ҳозир марказимизда 90 йилдан кейин туғилган тўлиқ ёшлар ўйнашяпти. “Ал-Ҳилол” билан ўйинга Симоненко дисквалификация қилинган, Иномов заявка қилинмаган. Иброҳимовда жароҳат бор. Ўша кунга имкониятимиздан келиб чиқиб, яхлит таркиб тузамиз, - дейди Александр Геннадьевич.