"Сельта" бош мураббийи Луис Энрике ўзининг "Барселона"га ўтиши ҳақида матбуотда тарқалган хабарларни инкор қилди.
Кўпгина ОАВ агар Херардо Мартино истеъфога чиқарилса, каталонияликлар билан ишлаш тажрибасига эга 43 ёшли мутахассисни "Барселона" бош мураббийлигига асосий номзод дея хабар тарқатган эдилар.
"Келажагим ҳақида гапиришса менга ғалати туюлади, ахир мен ҳозирги замон билан яшайман. Буларнинг ҳаммаси олди-қочди гаплар. Мен ҳар доим шартномамни бажаришга интилганман.
Мен ҳозир олдинда турган уч ўйин ҳақида ўйлаяпман. Билмайман, нега ҳаммага менинг шартномам қизиқ бўлиб қолди. У мавсум бошида қандай бўлган бўлса, шундайлигича турибди", - дейди Луис Энрике.