Матбуот анжуманинг иккинчи қисмида бухороликлар бош мураббий Эдгар Гесс иштирок этиб ўйинга қуйидагича изоҳ берди.

— Бугун мезбонларга фақат ғалаба қониқтирарди ва шу мақсадда улар майдонга тушишганди. Андижонликлар охиригача курашишларини яхши билардик. Биз эса шунчаки ўз ўйинимизни намойиш этишни мақсад қилгандик. Рақибга гол уришга имкон бермаслик ва қарши ҳужумлардан фойдаланишни режалаштиргандик. 70 дақиқадан ортиқ вақт мобайнида бу ишнни уддаладик. Бунгача ўйин тенг курашлар остида ўтди. Биринчи голни кутилмаганда ўтказиб юбордик. Шундан сўнг футболчиларда иштиёқ йўқолди ва иккинчи тўпни осонгина дарвозамиздан олиб чиқдик.

— Ўтган турда “Бунёдкор” билан бўлган оғир ўйиндан кейин футболчиларингиз тиклана олишмагандир.
— Шу ўйин ҳам ўз таъсирини ўтказган бўлиши мумкин. Бундан ташқари, Бухородан Андижонгача бўлган узоқ йўлни босиб ўтдик. Йўл сафари ҳам футболчиларга ўз таъсирини ўтказмай қўймайди. Мен хатога йўл қўйган бўлишим мумкин. Балки Андижонга 2-3 кун олдин келишимиз керакмиди. У ёки буни сабаб қилиб кўрсатиш қийин. Тактик жиҳатдан нотўғри ўйин кўрсатдик дея олмайман. Ҳаммаси яхши кетаётганди. Фақат автогол ўйин боришини ўзгартирди.