Испания чемпионати 36-турининг марказий баҳси якунланди. «Реал» ўз майдонида «Валенсия»ни қабул қилди ва 2:2 ҳисобида дуранг ўйнади.

Ўйин жуда қизиқарли тарзда ўтди. Аввалига биринчи бўлим якунига яқин Жереми Матьё бурчакдан узатилган тўпни бош билан дарвозага йўллади ва жамоасини танаффусга ғолиб сифатида олиб чиқиб кетди.

Иккинчи бўлим аввалида Рамос Ди Мариянинг тўп узатишидан кейин Роналду ёрдамида ҳисобни тенглаштирди. Кўп ўтмай «Валенсия» яна олдинга чиқиб олди. Дани Парехо жуда аниқ зарбаси билан Лопесни ожиз қолдирди.

Ҳакам томонидан қўшиб берилган иккинчи дақиқада эса Роналду жамоасини мағлубиятдан қутқариб қолди.

Ушбу дурангдан кейин "Атлетико"нинг чемпионлик учун имконияти яна ошди. Диего Симеоне шогирдлари 37-турда ғалаба қозониб, сўнгги турда "Барселона" билан дуранг ўйнасалар ҳам чемпионликни қўлга киритадилар. "Реал" эса сўнгги турда "Барса"дан ғалаба кутади. Унгача эса орада яна битта тур ўйинлари бор. Бундан ташқари Анчелотти шогирдлари 7 май куни "Вальядолид"га қарши қолдирилган учрашувни ўтказишади.

Реал Мадрид – Валенсия 2:2 (0:1, 2:1)
Голлар: 0:1 – 44 Матье, 1:1 – 59 Рамос, 1:2 – 65 Парехо, 2:2 – 90 Роналду./
Реал Мадрид: Диего Лопес, Карвахаль, Варан, Рамос, Марсело, Алонсо, Ильярраменди (Ди Мария, 46), Иско (Каземиро, 72), Бэйл, Бензема (Мората, 84), Роналду.
Валенсия: Диего Алвес, Жоау Перейра, Р. Кошта, Матье, Бернат, Фуэго, С. Кейта, Фегули, Парехо (Везу, 89), Варгас (Барраган, 90), Пако Алькасер (Жонас, 67).
Огоҳлантиришлар: Ди Мария (51), С. Кейта (70), Диего Алвес (80), Фегули (90).