Дания терма жамоаси бош мураббийи Мортин Олсен «Челси» бош мураббийи Жозе Моуриньонинг ўйин услубини кескин танқид қилди.
«Моуриньо футбол учун хавфли инсон. Агар барча у каби ўйнашни бошласа, футбол ўлади. Тасаввур қилинг қандай зерикарли ўйинлар бўлишини. Мен футбол томоша қилишни бўлди қилардим.
Бундай ўйинларни томоша қилгандан кўра кино кўраман ёки ўрмонда сайр қиламам. Менда имкон бўлганида «Челси»ни бутунлай бошқача ўйнатардим. Шундай ажойиб футболчилардан ҳимоявий футболда фойдаланишларини ҳазм қила олмаяпман. Жин урсин!
Менга ҳам қарши ҳужумда ўйнаш ёқади, лекин бутунлай иккинчи рақамда ўйнаш эмас. Гвардиоланинг услуби жуда чиройли, Моуриньода кўп нарса етишмайди. Уларнинг куни стандарт вазиятларга қолган. Азар ва Виллиан нимадир ўйлаб топишади. Шунинг учун Азарнинг жамоа ўйинини танқид қилганини тушиниш керак»,- дейди мурабби.
