«Ливерпуль» бош мураббийи Брендан Роджерс Англии Премьер-лигаси 37-тури доирасида «Кристал Пэлас»га қарши ўйиндан (3:3) кейин ўз фикрларини билдириб ўтди.
«Премьер-лигада 99 та гол урдик. Бу ажойиб натижа. Лекин ҳимояланишни ҳам билиш керак. Агар бугунгидек ҳимоя чизиғи бўладиган бўлса, бунча кўп гол ургандан фойда йўқ. Чемпионлик борасида шубҳам қолмади. «Манчестер Сити» олдинга интилади ва Премьер-лигада ғолиб чиқади.
Чемпионат якунида босимни сақлаб қолиш учун бугун ғалаба қозонишимиз шарт эди. Лекин биз буни эплай олмадик. Албатта, бу жуда аламли ҳолат. «Манчестер Сити» ўз уйидаги қолган 2та ўйинда ғалаба қозонади ва жадвалда 1-ўринни эгаллайди.
Шунингдек, «Кристал Пэлас»ни ҳам табриклайман. Улар курашишди, бизга жавоб зарбасини беришди ва хатоларимиз учун бизни жазолашди", - дейди Роджерс.
Эслатиб ўтамиз, «Манчестер Сити» ўз уйида «Астон Вилла» ва «Вест Хэм»га қарши ўйинларда иштирок этади.