"Манчестер Юнайтед" бош мураббийи вазифасини бажарувчи Райан Гиггз АПЛ 34-турининг "Халл Сити" билан қолдирилган учрашувида ўзини учрашув баённомасига киритди.
Уэльсликнинг сўзларига қараганда бу унинг "Олд Траффорд"даги сўнгги ўйини бўлади ва футболчилик фаолияти билан хайрлашади.
Эслатиб ўтамиз, мураббий Гиггзнинг келажаги номаълумлигича қолмоқда. Жамоани янги мавсумда Гиггзни ўз штабида кўришни хоҳламаётган голландиялик Луи ван Гал бошқариши кутилмоқда.