Германия терма жамоаси бош мураббийи Йоахим Лёв жаҳон чемпионати финалида Италия термасини мағлуб этишни истаётганини билдирди.
Эслатиб ўтамиз, жамоалар охирги марта Евро-2012 яримфиналида учрашган эдилар ва "скаудра адзурра" 2:1 ҳисобида бундестим устидан ғалаба қозонган эди.
"Биз жаҳон чемпионатида ҳали ҳеч қачон Италияни мағлуб этмаганмиз. Аммо мен юз фоиз аминманки, ажойиб кунларнинг бирида уларни ютамиз. Табиийки, буни финалда амалга оширган яхшироқ. Менинг орзуим - 13 июль куни "Маракана" стадионининг мураббийлар ўриндиғида ўтиришдир", - дейди Лёв.
Эслатиб ўтамиз, Германиянинг жаҳон чемпионати гуруҳдаги рақиблари Португалия, Гана ва АҚШ терма жамоаларидар.
