Ҳозирда "Халл Сити"да мураббий бўлиб ишлаётган "Манчестер Юнайтед"нинг собиқ ўйинчиси Стив Брюс клубда фаолиятини якунлагач, Райан Гиггзни жамоаси таркибига олишини билдирди.
"Гиггз ҳар доим бизга, "Кей Си Стэдиум"га келиши мумкин ва сафимизда вақтини чоғ ўтказиши мумкин. Европа лигасида ўйнаши мумкин. Агар у эркин агент сифатида келса, мен уни ўйланиб ўтирмай сафимига қўшиб оламан. Агар жиддий гапирадиган бўлсам, ҳозир бир нарсани аниқ айтиш қийин.
Агар "МЮ"га Ван Гал келса, унинг ўз қарашлари бўлади, аммо ишонаманки, Райанга бу ерда ҳар доим жой топилади. Ишонаманки, улар унга қандайдир иш топишади, Райан клубни тарк этади деб ўйламайман. У бекорчи бўлиб қолмайди, бундай катта клубда иш ҳар доим кўп", - дейди Брюс.
