"Реал" бош мураббийи Карло Анчелотти Испания чемпионатида "Вальядолид"га қарши ўйиндан сўнг (1:1) фикрлари билан ўртоқлашди.
"Ўйин назоратини қўлдан чиқардик, аммо буни вақтинчалик хотиржамликка боғламайман. Биз яхши ўйнадик, аммо ниҳоя қийин кечди.
Роналдунинг жароҳати қанчалик жиддийлиги яқин кунларда билинади. Ўйлашимча, бу жиддий эмас, Роналду ўзини нохуш сезди. Пепе ва Ди Марияларнинг ҳам жароҳатлари жиддий эмас.
Чемпионлар лигаси финалига тайёргарлик кўриш учун вақтимиз бор, аммо кўриб турибман, ўйинчилар чарчашди. Ҳозир биз учун энг муҳими қайта тикланишимиздир.
Чемпионлик учун кураш жуда қийинлашди, аммо математика томондан қаралса буни уддалашимиз мумкин. Қолга ўйинларни ютишга ҳаракат қиламиз", - дейди Анчелотти.
