Испания терма жамоаси бош мураббийи Висенте дель Боске миллий чемпионат савияси ва етакчи клубларнинг ҳалқаро майдондаги натижаларидан мамнун эканлигини билдирди.
"Мамлакат чемпиони ким бўлишини тахмин қилиш жуда қийин. Клублар ва терма жамоалар даражасида испан футболининг энг яхши даврини бошдан кечиряпмиз.
Буни чемпионлар лигаси ва Европа лигасидаги натижаларимиз кўрсатиб турибди. Бундан кўпроғига эришиш мумкин эмас. Кўрамиз, шу савиямизни сақлаб қоламизми, йўқми", - дейди Дель Боске.