"Зенит"нинг собиқ бош мураббийи Лучано Спалетти янги мавсумдан бошлаб "Милан"ни бошқаришга розилик берди.

Клуб вице-президенти Адриано Галлиани жамоа бош мураббийи Кларенс Зеедорфни алмаштириш учун Спалетти билан шахсан учрашди ва розилик олди.

Шу билан бирга 55 ёшли мутахассиснинг Миланда ишлашига  "Зенит" клуби ҳалақит қилиши мумкин, чунки унинг Санкт-Петербург клуби билан тузган шартномаси якунига етмаган. Шартнома шартларига кўра, Спалетти россияликлардан йилига 4 миллион евро олиши керак, питерликлар эса 2,5 миллионда ошиқ тўламоқчи эмаслар.

Собиқ бош мураббий шартномани муддатидан олдин бузмоқчи ва қолдиқ маблағни тўламоқчи, аммо питерликларни бу қониқтирмаяпти.