"Реал" ҳимоячиси Альваро Арбелоанинг маълум қилишича жамоа футболчилари бош мураббий ёрдамчиси Зинедин Зидандан тез-тез маслаҳат олиб туришар эканлар.

"Зидан ҳар доим камгап эди. Аммо аста-секин кўпроқ суҳбатлашадиган бўлиб бормоқда. Бир қарашда, ёрдамчи мураббий кераклироқ кўринади. Футболчилар бош мураббийдан кўра, унга кўпроқ мурожаат қиладилар", - дейди Арбелоа.

Эслатиб ўтамиз, матбуотда Зинедин Зиданнинг келгуси мавсумдан бошлаб бош мураббийлик фаолиятини бошлаши ҳақида бир неча хабарлар тарқалган эди.