Вьетнамда ўтган футзал бўйича Осиё чемпионатида учунчи ўрин учун Ўзбекистон терма жамоаси билан ўйиндан сўнг Қувайт терма жамоаси бош мураббийи Луис Фонсека фикрлари билан ўртоқлашди.
"Ўзбекстонни табриклайман, улар бугун кучли жамоа бўлди. Бугун Ўзбекистон ютмади, биз ғалабани бериб қўйдик. Бизнинг ўйинчилар ўйиндан олдин ғалаба қозонамиз дея хотиржамликка берилишди. Ўйинда иккита қўпол хатога йўл қўйдик ва жазоландик.
Ўзбекистонликлар охирги дақиқаларгача курашдилар. Бугунги мағлубиятни ўз бўйнимга оламан, чунки учрашувга ўйинчиларимни етарли даражада руҳлантира олмадим", - дейди Фонсека.
