Россиялик таниқли актёр, "Зенит" мухлиси Михаил Боярский Россия чемпионати 29-турида "Динамо"га қарши ўйиндаги воқеага изоҳ берди.
Эслатиб ўтамиз, 87-дақиқада ишқибозларнинг тартибсизлиги туфайли ўйин тўхтатилган эди.
"Мен ўйиннинг тугашини кутмадим, ишқибозлар майдонга югуриб чиққанларидан сўнг стадионни тарк этдим. Энди мутасадди органлар бу иш билан шуғулланадилар. Мен футбол кўрдим, қолгани мен учун қизиқмас.
Оқибатда ўйин охирига етмади. Ишқибозлар "Зенит"нинг чемпионлик орзусига нуқта қўйиши мумкин. Ҳаммаси қандай жазо берилишига боғлиқ. Менимча 0:3 ҳисобидаги техник мағлубият белгиланса керак.
Бунда "Локомотив" ва ЦСКАнинг ўйинларига қараш керак. Бу каби тартибсизликлар стадионда такрорланаверса, маданиятли мухлислар стадионга кирмай қўядилар", - дейди машҳур актёр.
