Ўзбекистон кубоги 1/8 финали "Навбаҳор" – "Истиқлол" учрашувдан сўнг (1:0) "Истиқлол" бош мураббийи Камол Жўнашев журналистларнинг саволларига жавоб берди.

Камол Жўнашев («Истиқлол» жамоаси бош мураббийи): - Ўйин қизиқарли ўтди. Шогирдларим берилган кўрсатмаларни 70-80 фоизга бажаришди. Учрашув охирларида омадимиз чопмай гол ўтказиб юбориб, мезбонларга имкониятни бой бердик.

Кубок учрашувлари анча қийин бўлади. Бугунги кунда олий лига билан биринчи лига ўртасида фарқ бор. Қўлимиздан келганча қаршилик кўрсатдик. Фурсатдан фойдаланиб, ўйингоҳга келган мухлисларга миннатдорчилик билдириб ўтардим.

«Навбаҳор» жамоасига эса кейинги ўйинларда омад ёр бўлишига тилакдошман. Ўзимизни жамоамиз ҳам навбатдаги баҳсга тайёргарликни муносиб тарзда олиб боришга ҳаракат қиламиз. Олдинда жавоб учрашуви ҳам бор. Шу сабабдан ҳали ҳеч нарса йўқотилмади. Ўз майдонимизда ўтадиган баҳсда кейинги босқичга чиқиш учун уриниб кўрамиз.