Таиланд пойтахти Бангкок шаҳрида эркин, юнон-рум ва аёллар кураши бўйича ўсмирлар ўртасида ўтказилаётган Осиё чемпионатида бугунги кунга келиб тўрт нафар спортчимиз совринли ўринларни қўлга киритишди. 

Ҳамюртларимиздан Илҳом Баҳромов (-50 кг) юнон-рум кураши бўйича бўлиб ўтган мусобақаларда олтин медалга сазовор бўлган бўлса, Жасурбек Ортиқбоев (-42 кг) ва Искандар Собиров (-58 кг) юнон-рум курашида, Сардор Холматов (-85 кг) эса эркин кураш баҳсида бронза медали совриндори бўлди. 

Илҳом Баҳромов Осиё чемпионидек шарафли унвонга сазовор бўлиш билан бирга, жорий йил Нанкин шаҳрида ўтказиладиган II ўсмирлар ёзги Олимпиада ўйинлари йўлланмасига ҳам эга бўлди. 

Шу тариқа ўсмирлар Олимпиадасида иштирок этадиган спортчиларимиз сони 24 тага етди.