"Атлетико" бош мураббийи Диего Симеоне шанба куни бўлиб ўтадиган ЕЧЛ финал учрашувига унинг жамоаси бошқа ўйинларга ёндошганидек ёндошишларини истамоқда.
"Финалдаги имкониятлаимиз - 50га 50. "Реал"да индивидуал маҳоратга эга футболчилар кўп. Тайёргарлигимиз жуда яхши, аммо рақибларимизнинг тайёргарлиги ҳам етарлича.
Адриан - ҳақиқий жамоавий футболчи. Ким ўйинларимизни диққат билан кузатиб борса, унга бўлган муносабатимни яхши билади. Бу гол ура олишни яхши биладиган иқтидорли ўйинчи. Арда Турон ва Диего Костанинг ҳолатларига қараб, уни майдонга туширишим мумкин.
"Атлетико" формасини кийиш ва унинг шарафини ҳимоя қилишнинг ўзи мотивация беради ва рақиб ким эканлигининг фарқи йўқ. Финалнинг ўзи кучли мотивация беради. Ҳар бир ўйинчи ўзига боқиб, энг юқори даражада тайёр бўлиши керак", - дея Симеоненинг сўзларини келтиради УЕФА расмий сайти.
