“Бунёдкор” – “Металлург” учрашувидан кейинги матбуот ажуманининг иккинчи қисмида “қалдирғочлар” устози иштирок этди.

- “Металлург” билан ҳеч қачон осон ўйин бўлмаган. Улар ўз жамоасини худди жангги чиқаётгандек тайёрлашади. Шундай тарбияланашади. Биринчи бўлимда ҳаракатларимиз ўзим кутгандек бўлмади. Танаффусдан кейин анча хотиржам бўлдим. Голлар урдик, вазиятлар яратдик, қисқаси анча фаоллашдик. Таркибимиз анча ёшарган. Уларга доимо айтамиз – қўрқманглар, олдинга ўтинглар тўп билан ишланглар деб.

Хато қилишса сўкмаймиз. Чунки ҳаммамиз инсонмиз. Бироқ хато қилишдан қўрқиб, чиройли ўйин намойиш қилолмаётган футболчилар ҳам бор. Қолаверса, “Бунёдкор”нинг зич тақвими ҳам ўз таъсирини ўтказяпти. Жамоа ҳар 3-4 кунда ўйин ўтказяпти. Сафар қиляпти. Ҳали тикланмай туриб, кейинги ўйинга тайёргарлик кетяпти. Танаффусда жисмоний ҳолатимизни анча кучайтириб оламиз, - дейди Александр Геннадьевич.