"Реал" устози Карло Анчелотти чемпионлар лигаси финалида "Атлетико" билан учрашув олдиан фикрлари билан ўртоқлашди.
"Финал - бу финал. Бошқа финаллардан фарқ қилмайди, аммо фарқ бор. Биз мавсумни финалга чиқиш ва ғолиб чиқиш мақсадида бошлаган эдик, мана, финалда турибмиз, бунинг ўзига хослиги ана шунда.
Машғулотда жароҳат олганларнинг ҳолати билинади. Криштиану ҳамма қатори шуғулланди, Пепе ва Бензема бу ҳафта умуман шуғуллланмадилар.Финалда ким майдонга тушишини шу машғулотдан сўнг ҳал қиламиз.
Бу менинг еттинчи финалим ва мен бу ерда эканлигимдан бахтлиман. Шахсан менинг бу мусобақадан яна ниманидир талаб қилишимга ҳаққим йўқ. Чемпионлар лигаси "Реал" учун қанчалик муҳимлигини ҳамма билади.
2007 йилги финал олдидан ўтказилган матбуот анжуманини яхши эслайман. Ўшанда мен: "Бу менинг охирги матбуот анжуманим, ундан ҳузур олишимга имкон беринглар", деган эдим. Аммо у охиргиси бўлиб чиқмади, аммо буниси охиргиси бўлиши мумкин, шунинг учун, бунан ҳузурланишимга имкон беринг", - дейди Анчелотти.
