«Барселона» Хорватия ёшлар терма жамоаси сардори Ален Ҳалиловични ўз сафига қўшиб олди. Бу ҳақда клуб расмий сайти хабар бермоқда.

Манбада айтилишича, Ален билан 2019 йилга қадар шартнома имзоланган. «Барселона» футболчини Загребнинг «Динамо» жамоасидан 2.2 миллион еврога сотиб олди. 18 ёшли хорват «Барселона Б»да ўйнашни бошлайди.

Ален «Динамо»да 26 ўйинда қатнашган. Бу ўйинларнинг 14тасида асосий таркибда майдонга тушган ва бешта голга муаллифлик қилган.













