Англия терма жамоаси ҳужумчиси Даниэль Старриж Перу термасига қарши ўртоқлик учрашувидан сўнг фикрлари билан ўртоқлашди.
Учрашувда англияликлар йирик 3:0 ҳисобида устун келдилар.
"Бизга қийин булди, чунки перуликлар яхши ҳимояландилар. Бу ҳафтада яхши шуғулландик, шунинг учун бу ўйинимизда кескинлик кўринмади. Бу ҳафта оғир машғулотлар ҳафтаси бўлди.
Албатта, менинг голим терма жамоам учун урган голларим орасида энг яхшиси бўлди. Аммо бу муҳим эмас. Муҳими яхши натижаларга эришиш учун техник ва тактик томондан яхшилаб тайёргарлик кўришимиздир.
Ҳа, ғалаба қозондик, аммо бундан жиддий хулоса чиқармаслик керак. Бу жаҳон чемпионатида ғолиб чиқамиз дегани эмас. Иложи борича яхши ўйнашга ҳаракат қиламиз", - дейди Старриж.
