ФИФА вице-президенти Жим Бойс жаҳон чемпионати-2022 мезбонлиги қайта сайланиши учун ташкилот ижроқўмига таъсир этишга тайёрлигини билдирди.
Агар Қатар мамлактининг мезбонлиги Бин Ҳаммом томонидан ижроқўм аъзоларини сотиб олиш йўли билан қўлга киритилгани исботланса қайта сайлов ўтказишга қарор қилинади.
Сотиб олинганлик ҳақидаги хабарни Sunday Times нашри тарқатган. Текширув ишлари билан ФИФАнинг этика қўмитаси раиси Майкл Гарсия шуғулланмоқда.
"Агар Гарсия ЖЧ-2022 мезбонлиги сайловида қоидалар бузилганлигини кўрсата олса, ижроқўмга қайта сайлов ўтказишни таклиф қиламан, - дея Бойснинг сўзларини келтиради ВВС. - Агар Гарсия аниқ далиллар келтира олса, ФИФА қайта сайлов ўтказиш варианти билан жиддий шуғулланади."
