Ўтган мавсум якунига кўра Франциянинг «ПСЖ» жамоаси сафида ўз футболчилик фаолиятини якунлаган «Реал Мадрид», «Милан» ва «Манчестер Юнайтед» футбол клублари собиқ ярим ҳимоячиси, англиялик Дэвид Бекхэм ўйинчи сифатида яна футболга қайтишни режалаштирмоқда. Бу ҳақда BBC News хабар бермоқда.
Шунингдек, ҳозирги вақтда АҚШ футбол лигасида (MLS) иштирок этадиган «Майами» жамоасини ташкил этиш устида иш олиб бораётган Бекхэм футбол тарихида клубга эгалик қилган футболчи бўлмаганини ҳам қайд этиб ўтди.
«Юксак савиядаги спортчиларнинг ҳаракатларини кузатарканман, этларим жимирлаб кетади ва яна майдонга қайтиш истаги пайдо бўлади. Шунда мен «Яна ўйнаб кета олармикинман?», «Балки ўйинчилик фаолиятимни якунлаганим ҳақида унутиш керакдир?», – деб ўйлаб қоламан», – дейди англиялик собиқ футболчи.
«Тарихда жамоага эгалик қилган ўйинчи бўлмаган. Балки айнан шундай одам пайдо бўладиган вақт келгандир?!», – дея ўзига-ўзига савол беради Дэвид Бекхэм.