Италия терма жамоаси бош мураббийи Чезаре Пранделлининг фикрича, "Фиорентина" ҳужумчиси Жузеппе Росси мундиалга бормаслигига олдиндан хабардор бўлган.
Аввалроқ футболчи ўз твиттерида мураббийнинг бу қарори кулгули эканлигини ёзган эди.
"Россини жаҳон чемпионатига олиб бориш - катта таваккал бўлар эди, - дея Пранделлининг сўзларини келтиради goal.com. - Май ойи бошларида мен уни кенгайтирилган таркибга чақирган ва Жузеппега якуний таркибга олмаслигимни айтган эдим. Мен буни унга бир неча бор такрорлаганман. Мен Россидан буни кутмаган эдим. У ҳаммасини аввалдан билар эди.
Мен Россининг Ирландияга қарши ўйинда иштирок этишини истагандим, бунинг учун Иммобилени заҳирада қолдирдим ва хоҳлаган нарсамни кўрмадим."
