Кеча Муборакдаги “Баҳром Вафоев” стадионининг заҳира майдонида Қашқадарё иккинчи лигаси 6-турнинг марказий учрашуви бўлиб ўтди. Учрашув қизғин курашларга бой бўлса-да, ҳисобни очиш ҳеч бир жамоага насиб этмади. Учрашувнинг 44-дақиқасида Артём Калинин томонидан “Машъал-98” дарвозаси томон белгиланган пенальтини Ғолиб Ғайбуллаев амалга ошира олмади. Аниқроғи муборакликлар дарвозабони ўз жамоасини муқаррар голдан сақлаб қолди.
Шундан сўнг “Машъал-98” мураббийи Отажон Авезов асабийлаша бошлади. Спортчиларга хос бўлмаган ҳатти-ҳаракати учун у учрашув бош ҳаками томонидан биринчи бўлим якунида қизил карточка билан “сийланди”. Учрашувда ҳисоб очилавермагач, ҳар икки жамоа мураббийлари ҳам таркибда ўзгартиришлар киритишди. Эътиборлиси 71-дақиқада майдонга Алвеш тушди. “Машъал-98” таркибида ўйини чиқмаётган Бунёд Абдуманнонов ўрнига 7-рақамдаги ёш истеъдодли футболчи Алвеш Муродуллаев майдонга туширилди. Баҳс якунигача унда бир қанча имкониятлар туғилган бўлса-да, Алвеш бу имкониятлардан унумли фойдалана олмади.
«Машъал-98″ — «Насаф-99″ — 0:0
03.06.2014. 6 тур. Муборак. «Бахром Вафоев» захира майдони. 78 томошабин.
