Хорватия ФФ президенти, ўтмишда "Арсенал" ва "Реал" ҳужумчиси, ЖЧ-1998 энг яхши тўпурари Давор Шукернинг фикрича, бразилияликлар мундиалнинг очилиш учрашувида Хорватияни кучига етарли баҳо бермаса - жазоланишлари мумкин.
"Албатта, бизга Манжукичнинг ўрни билинади. Аммо асосийси Бразилия термасининг ўйинини синдириш, уларни ноқулай аҳволга солиб қўйиш керак. Майдон маркази - муҳим чизиқ, Лука Модрич жамоани руҳлантира олдади деб ўйлайман.
Албатта, Бразилия фаворит, уларнинг сафида бизга қарши ўйинда хет-трик қила оладиган ўйинчилар бор. Аммо бразилияликлар уч очко чўнтагимизда, деб ўйламасин. Сколари шогирдлари биз билан енгил ўйин кутишса, жазоланишлари мумкин.
Биз тўрт миллионлик миллатмиз, шунинг учун жаҳон чемпионатига чииқанимизни ўзи катта хурсандчиликдир. Бу ўйин тарихдаги энг муҳим ўйин бўлиб қолади", - дейди Шукер.
