Мамлакат кубоги чорак финали доирасида “Бунёдкор” ва “Олмалиқ” клублари рўбарў келишади.

Икки учрашув натижасига кўра ғолиб аниқланадиган баҳснинг дастлабкиси бугун “Жар” стадионида соат 19:00да бошланади.

Бунгача “Бунёдкор” ва “Олмалиқ” жамоалари Ўзбекистон кубоги баҳслари доирасида икки бор тўқнаш келишган. 2008 йилги турнирнинг финал остонасида ўтган ҳар иккала ўйинда “қалдирғочлар” ғалаба қозонишган: Тошкентда 4:0, Олмалиқда 4:1.

Бугунги учрашувга ЎзПФЛ томонидан Азиз Асимов бошчилигидаги ҳакамлар гуруҳи тайинланган. Қанот ҳакамлари – Олим Абдувасилов ва Наби Рўзимов. Захира ҳаками – Шерзод Қосимов. Учрашув назоратчиси – Александр Попов. “Бунёдкор” – “Олмалиқ” учрашувининг барча расмий шахслари Тошкент шаҳридан.

Қуйида “Бунёдкор” ва “Олмалиқ” жамоаларининг мамлакат кубоги баҳслари доирасидаги ўзаро ўйинлари қайдномаларидан кўчирмалар келтирилган.

Ўзбекистон кубоги-2008
Ярим финал. Биринчи учрашув
“ОЛМАЛИҚ” – “БУНЁДКОР” 1:4 (0:3)
Голлар: Александр Хвостунов 4 (0:1), Хосе-Луис Вильянуэва 9 (0:2), Гочгули Гочгулиев 35 (0:3), Александр Востриков 82 (1:3), Хосе-Луис Вильянуэва 86 (1:4)
27.07.2008. Олмалиқ. “Металлург” стадиони. 5111 томошабин

Ўзбекистон кубоги-2008
Ярим финал. Жавоб учрашуви
“БУНЁДКОР” – “ОЛМАЛИҚ” 4:0 (1:0)
Голлар: Улуғбек Бақоев 23 (1:0), Темур Кападзе 70 (2:0), Сервер Жепаров 70 (3:0), Хосе-Луис Вильянуэва 82 (4:0)
03.08.2008. Тошкент. МҲСК стадиони. 4162  томошабин