Пекин метрополитенининг 32 бекати футбол бўйича жаҳон чемпионатида иштирок этувчи терма жамоалар шарафига номланади. Бу ҳақда South China Morning Post нашри хабар бермоқда.

Қайта номланадиган бекатлар фақат битта – 35та бекатни ўзида бирлаштирган тўртинчи йўналишда амалга оширилади. Терма жамоалардан ортиб қолган учта бекат «Ҳалол ўйин», «Спортдаги обрў-эътибор» ва «Йил футболчиси» деб аталади.

Метрополитен маъмурияти ушбу ғояни амалга оширишга киришган. Пекин метрополитенининг тўртинчи йўналиши шаҳарнинг ғарбий ярим қисмидан ўтади ва тўртта туманни бир-бири билан боғлайди.

Қайта номлаш ишлари якунига етганидан сўнг, бекат номи ёзилган лавҳаларга тегишли терма жамоа ҳақида тарихий маълумотнома қўшимча қилинади.

Ҳозирча «Халқ университети» бекати «Бразилия», «Сичжимэнь» – «Аргентина», «Суанвумень» – «Голландия», «Сидань» эса «Испания» номини олгани маълум.