Аввалроқ, «Парвона» оилавий газетаси Бразилияда бўлиб ўтадиган футбол бўйича 2014 йилги жаҳон чемпионатига бағишланган махсус сонни нашрдан чиқаргани ҳақида хабар берган эдим.
Махсус сон юртимиздаги футбол мухлислари орасида катта қизиқиш билан кутиб олинди. 15 минг нусхада чоп этилган газетанинг махсус сони тезда қўлма-қўл бўлиб кетди, ҳозирда газета дўконларидан топиш амри маҳол.
Шуни инобатга олган ҳолда, «Парвона» газетаси таҳририятининг рухсати билан ЖЧ-2014га бағишланган махсус соннинг электрон версиясини сайтимга жойлашга қарор қилдим. Ўйлайманки, сотиб олишга улгура олмаган ёки хорижда истиқомат қилаётган юртимиздаги футбол мухлислари учун бу фойдадан ҳоли бўлмайди.
Махсус соннинг қулай томони, уни нафақат компьютер, балки планшет ёки iOS ҳамда Android операцион тизими ўрнатилган мобил қурилмалар орқали ҳам ўқиш мумкин.
Силлиқ муқовали, 68 саҳифадан иборат ушбу нашрда ўқувчи шу пайтгача бўлиб ўтган 19та жаҳон чемпионати статистикаси, 18 чемпион мураббий, жаҳон чемпионатининг «Олтин тўп»ини қўлга киритган 19 футболчи, 32та терма жамоанинг ЖЧ-2014 сари босиб ўтган йўли, мураббийлари ва сардорлари, шунингдек Бразилияга йўл олган таркиблари билан танишиши мумкин.
Азиз футбол мухлислари, Сизларга мароқли мутолаа тилайман!
МАХСУС СОННИ ЎҚИШ УЧУН БУ ЕРНИ БОСИНГ
