Бразилияда ўтадиган жаҳон чемпионати олдидан маҳаллий ишқибозлар ва Аргентиналик ишқибоз ўртасида тўқнашув бўлиб ўтди, дея хабар беради Reuters.
Меҳмон ишқибоз уч нафар бразилиялик унинг қўлидан Аргентина байроғини тортиб олмоқчи бўлганларидан сўнг бармоғи синиб, шифохонага мурожаат қилишга мажбур бўлди.
Жабрланувчи операция қилинди, аммо полицияга ушбу тўқнашув юзасидан шикоят келиб тушмаган.
Ташкилий қўмита маълумотларига кўра, мусобақа давомида Аргентинадан 50 минг ишқибоз келиши кутилмоқда. Бу икки терма жамоалар принципиал рақиб ҳисобланади ва уларнинг ишқибозлари ўртасида ҳар доим келишмовчиликлар бўлган.
Бу воқеа ЖЧ-2014 да содир бўлган биринчи ишқибозлар ҳужуми сифатида қайд этилди.
