Бразилия-Хорватия ўртасидаги ЖЧ-2014 очилиш учрашувида дубль муаллифига айланган Неймар фикрлари билан ўртоқлашди.
"Бу кутилган очилиш учрашувларининг энг яхшиси. Биз ғалаба қозонишни жуда хоҳлаган эдик. Иккита гол урганимдан шунчаки бахтиёрман.
Сезган бўлсангиз, иккала гол ҳам бироз ғалати бўлди. Биринчисида зарбам ҳимоячининг оёқлари орасидан ўтишини айнан хоҳлаган эдим, аммо бироз кучсизроқ чиққан эди. Аммо энг муҳими гол бўлди.
Пенальти вақтида ўзимни қандай хотиржам тутдим? Ҳамма гап амалиётда. Ҳа, посбон мени бироз қўрқитди, аммо тўп тўрга бориб тушди", - дейди Неймар.
