Ўзбекистон U-16 ўсмирлар терма жамоаси мураббийлар штабида ўзгариш юз берди. Шу кунгача терма жамоа бош мураббийи вазифасида фаолият юритиб келган Темур Олимхўжаев соғлиғи туфайли вақтинчалик терма жамоа бош мураббийи вазифасидан озод этилди.

Темур Олимхўжаевнинг ўрнига мавсум ўртасигача Тошкентнинг «Оқтепа» клубини бошқариб келган мутахассис Александр Мочинов вақтинчалик бош мураббий этиб тайинланди. Шу кунгача Ўзбекистон U-16 ўсмирлар терма жамоаси мураббийлар штабида фаолият кўрсатган мураббийлар сафида бошқа ўзгариш бўлгани йўқ ва улар Александр Мочинов билан ўз фаолиятларини давом эттирадилар.

ЎФФ терма жамоалар маркази берган маълумотга кўра, Мочиновга 19 июнь куни бошланадиган йиғин давомида Ўзбекистон U-16 ўсмирлар терма жамоасини шуғуллантириш вазифаси юклатилган. Эслатиб ўтамиз, Ўзбекистон U-16 ўсмирлар терма жамоаси мазкур йиғин давомида Тошкентда 24 ва 27 июнь кунлари Уммон U-16 ўсмирлар терма жамоасига қарши иккита ўртоқлик учрашувида майдонга тушади.

Ўзбекистон U-16 ўсмирлар терма жамоаси бош мураббийи номи билан боғлиқ якуний қарор яқин кунлар ичида ЎФФ Терма жамоалар маркази томонидан эълон қилинади.

Таъкидлаш жоиз, мазкур ўйинлар шу Ўзбекистон U-16 ўсмирлар терма жамоаси учун шу йилнинг 6-20 сентябрь кунлари Таиландда бўлиб ўтадиган ўсмирлар ўртасидаги Осиё Чемпионти финал босқичи баҳсларига тайёргарлик босқичидан ўрин олган.