Австралия терма жамоаси ЖЧдаги ўзининг иккинчи ўйинида Голландия билан тенгма-тенг ўйнашга интилди, аммо мағлубиятга учради.

Биринчи бўлимда Роббеннинг голига Кэхилл тезда жавоб қайтарди. Иккинчи бўлимда эса яшил қитъа вакиллари ҳаттоки ҳисобда олдинга чиқиб олишди. Белгиланган пенальтини Йединак аниқ амалга оширди.

Шундан кейин босимни оширган европаликлар Ван Перси ва Мемфиснинг голларига эвазига ҳисобда олдинга чиқиб олди ва 3:2ни ўйин охиригача ушлаб тура олди.

Ушбу ғалабадан кейин Голландия амалда кейинги босқич йўлланмасини қўлга киритиб бўлди. Гуруҳнинг сўнгги турида улар Чилига қарши майдонга чиқадилар ва гуруҳ ғолиблигини қўлга киритишга ҳаракат қиладилар. Австралия эса бугун бўлиб ўтадиган Чили-Испания ўйини натижасини кутади ва сўнгги турда Испанияни мағлуб этишга ҳаракат қилиб кўради.

ЖЧ-2014. "В" ГУРУҲИ, 2-ТУР
АВСТРАЛИЯ - ГОЛЛАНДИЯ - 2:3
Голлар: 0:1 – 20 Роббен, 1:1 – 21 Кэйхилл, 2:1 – 54, пенальти Единак, 2:2 – 58 ван Перси, 2:3 – 68 Депай.
Австралия – Райан, Макгоуэн, Уилкинсон, Шпиранович, Дэвидсон, Единак, Маккэй, Лекки, Брешиано (Бозанич, 51), Оур (Таггарт, 77), Кэйхилл (Хэллоран, 69).
Голландия – Силессен, Мартинс Инди (Депай, 45), Влар, де Врей, Янмат, де Гузман (Вейналдум, 78), Н. де Йонг, Блинд, Снейдер, ван Перси (Ленс, 87), Роббен.
Огоҳлантиришлар: Кэйхилл (43), ван Перси (47).