Камерун терма жамоаси иккинчи турдан кейин плей-оффга чиқиш имкониятидан маҳрум бўлди. Хорватия йирик ҳисобда ғалаба қозонган бўлса-да, ўйинни Камерун ёмон бошламаганди.

Африкаликлар ўйин бошидан босимни кучайтиришди. хорватларни ўз жарима майдончаси атрофига қамаб қўйишди, аммо дастлабки қарши ҳужумдаёқ рақибдан гол қабул қилиб олди. Жамоадошлари томонидан етказиб берилган тўпни Олич дарвозага йўллади.

Алекс Сонг ўз жамоасини қийин аҳволга солиб қўйганидан сўнг Камерун ғалаба учун назарий имкониятлардан ҳам маҳрум бўлди. "Барселона" футболчиси Манжукичга нисбатан ишлатган қўполлиги учун Проэнса уни майдондан четлатди.

Иккинчи бўлим бошида дарвозабон Итанжнинг қўпол хатоси туфайли хорватлар иккинчи голни уриб олишди ва ўйин тақдирини амалда ҳал қилиб қўйишди. Қолган дақиқаларда Марио Манжукич "шахматранглилар" учун яна 2та гол урди ва ҳисобни йирик кўринишга келтирди.

Хорватия кейинги босқичга чиқиши учун сўнгги турда Мексикани мағлуб этиши шарт. Бразилия эса бу ишни уддалай олмади. Кўрамиз, Манжукич ва унинг жамоадошлари Мексиканинг қаршилигини синдира олишармикан.

ЖЧ-2014. "А" ГУРУҲИ, 2-ТУР
КАМЕРУН - ХОРВАТИЯ - 0:4 (0:1)
Камерун – Хорватия 0:4 (0:1, 0:3)
Голлар: 0:1 – 11 Олич, 0:2 – 48 Перишич, 0:3 – 61 Манжукич, 0:4 – 73 Манжукич.
Камерун – Итанж, Матип, Нкулу, Шежу (Нункеу, 46), Ассу-Экотто, А.Сонг, Муканжо, Мбиа, Эно, Шупо-Мотинг (Салли, 75), Абубакар (Вебо, 70).
Хорватия – Плетикоса, Срна, Чорлука, Ловрен, Праньич, Ракитич, Модрич, Олич (Эдуардо, 69), Саммир (Ковачич, 72), Перишич (Ребич, 78), Манджукич.
Огоҳлантиришлар: Эдуардо (89).
Четлатиш: А.Сонг (40).