Португалия терма жамоаси посбони Бетунинг айтишича, жамоа ҳужумчиси Криштиану Роналдунинг жисмоний ва руҳий ҳолатида муаммолар йўқ.

Аввалроқ, "Реал" ҳужумчисининг тиззасидаги жароҳати сабабли мундиалнинг қолган қисмини ўтказиб юбориши мумкинлиги хабар қилинган эди.

"Криштиану бутунлай жамоа таркибидаги ишлар ва мақсадлар билан банд.

У ажойиб жисмоний ва руҳий ҳолатда. У ҳақидаги ёлғонларни эшитиш ва ўқиш жонга тегди.

У машғулотни Германия билан ўйинда иштирок этган футболчилар билан бирга тугуатди, олдинроқ эмас. У ўйинга 100 фоиз тайёр. Йўқ? Бу кимнингдир фикри", - дея Бетунинг сўзларини келтиради A Bola.