Колумбия терма жамоаси ўзининг иккинчи ғалабасини қўлга киритди ва деярли плей-офф масаласини ҳал қилиб қўйди.

Колумбия-Кот-д'Ивуар учрашувининг биринчи бўлимида жамоалар анча ёпиқ ўйин кўрсатишди. Натижада дастлабки 45 дақиқаликда хавфли вазиятлар юзага келмади.

Баҳсдаги асосий воқеалар иккинчи бўлимда бўлиб ўтди. Учрашувнинг 64-дақиқасида бурчакдае етказилган тўпни Хамес Родригес бош билан дарвозага жойлаб қўйди. Орадан кўп ўтмасдан ивуарлик ҳимоячи майдон марказида қўпол хатога йўл қўйди ва тўпни эгаллаб олган колумбиялик футболчилар олдинги интилишди ва захирадан майдонга тушган Куинтаро яккама-якка вазиятда дарвозани ишғол қилди.

"Арсенал" ҳужумчиси Жервиньо мусобақадаги энг чиройли голлардан бирига муаллифлик қилди. У чап қанотдан 3 футболчини алдаб ўтган ҳолда жарима майдончасига ёриб кирди ва дарвозабоннинг яқин бурчагини аниқ нишонга олди.

Шундан кейин африкаликлар босимни янада оширишди, бироқ улар рақиб дарвозасига бошқа йўл топа олишмади.

ЖЧ-2014. "С" ГУРУҲИ
КОЛУМБИЯ – КОТ-Д`ИВУАР 2:1 (0:0)
Голлар: 1:0 – 64 Х. Родригес, 2:0 – 70 Кинтеро, 2:1 – 73 Жервиньо.
Колумбия – Оспина, Суньига, Йепес, Сапата, Армеро (Арьяс, 72), Агиляр (Мехия, 79), К. Санчес, Куадрадо, Х. Родригес, Ибарбо (Кинтеро, 53), Гутьеррес.
Кот-д`Ивуар – Барри, Орье, Зокора, Бамба, Бока, Ди (Болли, 73), Тиоте, Жервиньо, Яя Туре, Градель (Калу, 67), Бони (Дрогба, 60).
Огоҳлантиришлар: Зокора (55), Тиоте (90).