ЖЧ-2014 гуруҳ босқичи Нигерия-Босния ва Герцеговина терма жамоалари ўртасидаги учрашувда африкаликлар 1:0 ҳисобида ғалаба қозонди.

Учрашувдаги ягона голни 29-дақиқада Питер Одемвинге киритди.

Босния ва Герцеговина ҳисобни тенглаштиришга ҳарчанд ҳаракат қилмасин, мақсадига ета олмади. Улар ўйинда устун бўлган бўлсаларда, ҳисобда бу акс этмади.

Ўйинга қўшиб берилган дақиқаларда Эдин Жеконинг зарбаси Нигерия дарвозаси устуни билан болқонлик мухлисларни бир титратган бўлса ажаб эмас.

Энди Босния ва Герцеговина терма жамоаси уйга қайтадиган бўлди.

ЖЧ-2014. "F" гуруҳи 2-тур

Нигерия – Босния ва Герцеговина  1:0 (1:0, 0:0)
Гол: 29, Одемвинги.
Нигерия – Эньема, Эмброуз, Омеруо, Йобо, Ошанива, Оби Микел, Онази, Муса (Ш. Амеоби, 65), Одемвинги, Бабатунде (Узоэньи, 75), Эменике.
Босния ва Герцеговина – Бегович, Муйджа, Шуньич, Спахич, Медуньянин (Сушич, 64), Пьянич, Бешич, Хайрович (Ибишевич, 57), Мисимович, Лулич (Салихович, 58), Джеко.
Огоҳлантиришлар: Медуньянин (6), Оби Микел (81).