Олий лига 13-тури доирасида Андижондаги "Соғлом авлод" стадионида кечган "Андижон"-"Нефтчи" учрашувида Фарғоналикларнинг қўллари баланд келди.

"Водий дербиси"нинг 21-дақиқасида мезбонлар футболчиси Баҳром Абдураҳимов ҳисобни очди - 1:0. Шу ҳисоб учрашувнинг 69-дақиқасигача сақланиб турди. Фарғоналикларнинг ёш умидли футболчиси Мурод Бобожонов 69-дақиқа мувозанатни тиклади ва ўйин якунланишига 7 дақиқа қолганда жамоасининг учинчи, ўзининг иккинчи голини киритди. Бобожоновнинг "дубли" орасида Алесандр Оника ҳам ўз ҳисобига гол ёзиб қўйди.

"Андижон" - "Нефтчи" - 1:3
Андижон. "Соғлом авлод" стадиони.

Голлар: Баҳром Абдураҳимов (21) - Мурод Бобожонов (69, 83), Александр Оника (72).

"Андижон" Темур Ғаниев, Даврон Турсунов, Алексей Касян, Иброҳим Отахонов, Баҳром Абдураҳимов, Лочин Солиев, Анвар Ражабов, Мирзакамол Камолов, Темур Султонов, Сергей Доценко, Расул Раҳмонов.

"Нефтчи": Ғайрат Ҳасанов, Иқбол Бобохонов, Александр Оника, Павел Смоляченко, Вячеслав Понамарёв, Жавоҳир Расулов, Дилёрбек Эрматов, Рўзимбой Аҳмедов, Сайдулло Раҳматов, Отабек Зокиров, Жаҳонгир Меҳмонов.